對自己好d，由D.I.Y. 潤唇膏開始

上星期好開心參加左ELLE X QueenEco.com『DIY 潤唇膏工作坊』，因為可以帶多個朋友出席，我D朋友又唔得閒，冇謂浪費左個機會，於是上黎問下有冇SIS有興趣，好野一定要同大家SHARE GA MA，咁岩QUEENIE留言，於是就一齊去啦。

今次個地點係：上環-御林豪庭，老實講，真係有D遠同唔太方便啦，不過都冇損大家既心情。

上到已經見到環境好靚，仲有好多好靚既擺設tim。

大會已經準備好曬D材料啦，有三支唇膏+一個盒仔+三張卡紙，之後就開始講解一下呢個活動同埋流程啦。

先黎杯香檳relax下

示範作品就係咁啦

今次整既材料有:Olive Oil, Shea Butter, Cocoa Butter, Beeswax & Essential Oil

先把預先將部分材料分配好，之後每人再加入杏仁油及橄欖油

之後就格水加熱，大約3分鐘就溶晒啦，變成水狀

材料溶晒就可以離火~再加入2-3滴香薰。我就揀左佛手柑同薰衣草

之後要好快手倒入唇膏盒度，如果唔係d液體凍左就會凝結番，我冇諗過變得咁快lor，好似5分鐘都冇就凝結番啦，搞到之後要溶多之次，haha

倒曬入唇膏盒度後就開始同佢地扮靚靚啦，以下係我既作品

全班的作品，係大家好努力痴痴貼貼既成果呀!!

好開心可以參加到今次既活動呀，好好玩，同埋比我想像中易呀，同埋好同意導師所講，查係嘴上面既潤唇膏成份一定要天然，因為你會食落肚，所以對自己好D，一於自己D.I.Y.最天然既潤唇膏啦。
如果有時間好想同朋友再整多次呀，多謝ELLE X QueenEco.com。

♥聖誕快樂♥ 聖誕裝飾特集+自助餐+聖誕抽獎!!!♥

MERRY CHRISTMAS!!!!
哈哈，聖誕快樂呀大家，今年大家都左邊度玩呀?有冇去影相同食聖誕大餐呢?我今年都去左幾個地方影相同食左BUFFET呀，等我介紹下啦。聖誕裝飾特集+自助餐+聖誕抽獎 - 開始啦!!

首先，去左旺角新世紀影相，今年主題係"借東西的小矮人亞莉亞蒂”同埋有宮崎駿25周年作品展，有好多宮崎駿既作品，喜歡宮崎駿既朋友一定要去睇呀。







影完相之後就去左食LUNCH BUFFET 啦，對我黎講最吸引既都係甜品，甜品款式都幾多而且都幾好食，好正呀!!!





之後去尖沙咀，見到好多SIS POST左isquare既相，我都去影番張先，真係有好大個珍寶珠聖誕樹呀。




跟住去HB CITY，不過今年我覺得真係唔夠之前吸引，而且好多蛋糕白色既部分都變左灰色啦。





今日既重頭戲 - 1881，個迴轉木馬真係好靚呀，好鐘意，而且我一向都覺得1881影相好靚，好有歐陸情懷，所以係度影左好多相，而且工作人員都唔錯，都有幫我地影合照呀。





好啦，因為聖誕節既關係，希望大家都開開心心，所以預備左個小抽獎比大家，因為我第1次搞，又唔知有冇人參加，所以只係預備左小禮物，但如果反應好的話，我會再送啦，希望大家有個開心既聖誕節啦!!



方法係:
推一推個POST，之後留言(講咩都得，大家開心就好啦)
截止日期：2010 年 12 月 31 日 23:59。

情迷格仔 - 頭條日報XBurberry彩妝X'mas Party

見到Burberry你會諗起咩呢?手袋?


銀包?

宜家仲可以諗多樣野就係 - 化妝品啦。
我本身都係Burberry既FANS，我手袋，銀包都係Burberry，好鐘意佢既格仔pattern。
上星期六我幸運可以參加，地點係Marco Polo Hong Kong馬可孛羅香港酒店六樓Cucina餐廳。
去到既時候已經見到一盒盒Burberry既化妝品放係我地眼前啦，好靚呀，大家都急不及待係咁影影影，因為真係好興奮呀‧



之 後Maketing既同事就同我地介紹Burberry既化妝品，唔講唔知原來Burberry既化妝品含有淡淡好似BB爽身粉般既香味，估唔到化妝品都 有香味，真係好鐘意呀。而且仲有輕觸式磁石開關，好貼心同特別既設計，其中佢個唇膏，如果唔岩位係不可以閂埋架，好勁呀。

之後又介紹左唇筆，如果用左唇筆畫唇線, 唇膏無咁容易化開架。



筆刨好靚呀，有Burberry既刻字，好鐘意呀，好似藝術品呀。


限量全港500件的Lip Charm魅力唇彩，一樣都係咁靚。








介紹完之後就食野啦，好興奮呀，冇諗過有咁多野食架，而且係好好食tim呀。






好鐘意個棉花糖，好可愛。



ba同其他sis化緊妝。


之後我好唔知醜咁叫要求化妝，主要係補一補妝同加強眼既妝。


今次用左深紫色搽上眼尾，淺紫色搽上眼頭。
BA化得好好呀，好細心呀，一路化仲教我地化妝既技巧，我地學到好多野呀。





完成啦，化得超~靚~呀。同之前既我差好遠呀，靚好多，成個SHARP曬，好鐘意呀!!!!

應SIS要求，出張合照。
下次去買野大家一定要搵佢呀，化得好好，個人又細心。

最後收到3件化妝品:

Luminous Liquid Foundation明亮乳狀粉底 #05
Sheer Eye Shadow 細緻絲柔眼影 #20
Soft Satin Lipstick 輕柔媽滑唇膏 #09








有興趣就去Burberry 睇下啦:
地址: 尖沙咀海港城FACESS

最後我真我係好多謝頭條日報同Burberry 讓我有機會出席呢個party，等我有一個好開心既回憶。因為名額只係得12人左右，好難得既機會，都係對我既一個肯定，所以真係好開心。同埋成個活動都安排得好好呀，有野食又有化妝品試，希望日後再有機會參加到啦。
想知更多就一定要留意今個星期5既頭條日報啦，唔知會唔會見到我呢?
希望大家鐘意我今日既分享啦，有時間就留言+推推支持啦。

初秋保養品大公開!!!!(多圖+多字)

初秋已經開始到啦，宜家天氣時冷時熱，係時候為轉天氣而做準備啦，希望以下既初秋保養品岩大家啦。

每日一早起身第一件事就係洗面啦，千萬唔好因為天氣冷就唔用洗面產品呀，因為經過一晚咁長既時間，到第二起身水份流失左好多，而且仲會成面油， 好污穢，如果怕洗完面乾既話，就用比較溫和既洗面奶啦，我推介以下既Paul & Joe. Light Cleansing Milk.

 

佢有淡淡既橙花香氣，好清新，好岩早上用，好FRESH既感覺。質地輕柔，係啫喱狀，最重要係用完塊面唔會乾，同埋潔淨力都唔錯，可以睇下我用完之後冇成面油光，毛孔都細左DD，真係推介呀。

 

講完面之後就講下身體護理啦，如果係OL既話，成日係冷氣地方抽乾既身體既水份，如果係帶飯要洗埋個飯盒，隻手好傷架，所以一支好既Hand Cream一定唔小得，我推介以下既「強生美肌」深層滋養系列。

產品資料：
專為亞洲女性而設的強生美肌．沐浴護膚系列，正能貼合不同女士的肌膚需要，為每天辛勞的妳不停充電! 給肌膚深層滋養 秋風或冷氣都會不知不覺間帶走肌膚水分，令我們的皮膚感到乾燥、痕癢，出現乾紋甚至龜裂。「強生美肌」深層滋養系列特別加入BB油，幫妳lock住水份， 為乾燥肌膚提供24小時深層滋養。 而潤膚露及護手霜更蘊含強效保濕柔膚成份，即時令肌膚水份提升190%! 配方同時加入玫瑰及茉莉花香味，讓妳於護膚後散發淡淡的優雅味道。

Johnson’s Body Care-24 Hour Extra Care Hand Cream 50g. - 佢細細支，即使放係手袋都好方便，佢係半透明膏狀質地，初初推既時候比較難D，同埋略有油脂性，所以有D黏，不過吸收之後，手部觸感柔嫩，乾紋明顯小左， 感覺到好保濕。最唔同係我用完之後臨訓再洗手既時候有查Hand Cream個隻手，即使洗完都唔乾，好似lock住水份咁，同另一隻手係好有分別，所以我真係覺得佢WORK，大家都可以測試下呀。
 

 

Johnson’s Body Care-24 Hour Extra Rich Body Wash 750ml
淡黃色乳液，好易容就起泡，而且非常容易清洗，仲有好似蜜糖的香，但又唔會好濃，最緊要係用完一D都冇緊繃既感覺。

 

Johnson’s Body Care-24 Hour Extra Rich Body Lotion 400ml
乳白色既乳霜狀，超好推，用手加上按摩，感覺好RELAX，雖然香味就濃左小小，不過係超滋潤，係睇D相見到原來我隻腳D紋好勁，又乾WOR，但用左之後D紋淡左好多，皮膚又滑又柔軟，真係冬天都唔怕呀。

總結，深層滋養系列真係好滋養，我最鐘意就係Body Lotion同 Hand Cream，效果好明顯，皮膚用克真係滑左同乾紋淡左好多。

 

 

除左外在保護之外，內在都好重要架，所以一碗滋潤既湯就最岩啦，因為天氣乾燥,喉嚨多痰不適,應多喝D具有滋潤效果的湯水，今日煲左蕃茄薯仔魚湯，好滋潤呀，又簡單易整，正!!

 

講左咁多初秋保養既產品，希望大家鐘意啦，呢遍文打左好多字，影左好多相，好比心機架，希望大家支持+推下啦