Tuesday, September 6, 2011

挑戰眼線液極限 – 到底有幾幼

我之前只係用過一支眼線液,所以今次收到眼線液試用不知幾開心。

AVANCE 超完美極纖細防水持久眼線液筆
超防汗、淚成份添加,長時間展現立體、艷亮魅惑大眼,勾住眾人的目光焦點。

*不暈染。
*濃密漆黑的色澤,艷亮、深邃。
*速乾型設計。
*溫和不刺激眼睛。
0.1mm的極細筆尖設計,自由描繪出迷人眼線。


黑同啡2個選擇


眼線液當然要快乾同畫得幼啦,如果想要粗得話就用眼線筆啦
所以今次我畫左一條好幼既眼線,大家睇到嗎?



佢真係好勁,可以畫到好幼,真係唔講都唔覺畫左。而且仲要乾得好快,唔會好似我另一支眼線液咁,因為乾得慢而令到條眼線冇曬,仲要入埋眼
經過左成日,佢只係有少少溶,我覺得都算keep得唔錯啦,起碼唔會變熊貓眼先,而且都防水。


總結我覺得佢都唔錯,不過其實如果有黑色會更好。最後多謝雅施。

一試便愛上 : The Body Shop

講起body shop你會諗起咩呀? Body lotion? Body mist? Hand cream?宜家仲可以加埋化妝品,從未試過body shop既化妝品,到底有幾好呢?




先介紹The Body Shop Extra Virgin Minerals Liquid Foundation
顏色 205 (偏粉紅) 6色選擇


講下礦物粉底既好處啦,成分天然,相對傳統粉底含滑石粉這化學成分,較少機會造成敏感及毛孔阻塞,即使敏感肌膚都適用。其實礦物成份既產品都開始愈來愈多,成為新寵兒啦。



佢既質地偏稀,好易推,而且好貼薄,但遮瑕度就一般。沒有太大既驚喜。


之後到The Body Shop Extra Virgin Minerals Cream Compact Foundation
顏色 同樣205 (偏粉紅) 6色選擇


呢個真係好驚喜呀,效果好好,非常滿意,等我詳細解釋下先。




首先設計唔錯,附上特製既毛掃去上粉。個掃質地唔錯,起碼冇吉面同脫毛。一沾已經可以夠半邊臉用啦。



之後佢既質地好滑,有點似我地平時既面霜咁,creamy ,有濕潤感,而且都好好推。
上左面之後,你會發覺佢好貼面,好自然而且有光澤感,最重要既係毛孔變得唔明顯,呢個真係令人驚喜萬分呀,我覺得大部分既毛孔都遮左,皮膚睇上去超好,有少少素顏既感覺,太好啦,超級推介呀!!

其實對The Body Shop既化妝品都幾有興趣,如果唔係都唔apply啦,只不過係冇諗過Compact Foundation係咁出色,真係希望有機會可以再試佢其他既化妝品啦。

❤ANNA SUI❤夏日藝術手繪美甲班 - 型格ROCK NAIL登場!!!

一到左夏天大家都著背心熱褲,呢個時候當然要有靚靚既指甲配合啦。
好開心可以參加BE x Anna Sui藝術手繪美甲workshop,可以即場試用Anna Sui魔幻美甲油。
一去到已經見到放好左Anna Sui 美甲套裝同有新出既LIPSTICK,好靚呀!!!





而枱面都有今日用既Anna Sui甲油



好重要的吹風機,如果唔係都唔知幾時先乾




今日會學既2款手繪美甲



活動開始啦- 先介紹一下



之後有美甲師教導藝術手繪美甲技巧




先係黑白高貴款






「拉花」的pattern,真係好靚呀,不過好似有D難度



之後到金、紅 & 藍ROCK STYLE





閃電圖案,勁靚呀



1. 先擦金色閃粉甲油
2. 之後用紅色甲油畫兩個三角形
3. 再用藍色甲油畫兩個倒三角形

另外一款紅+藍再有金色閃粉點綴

好啦,到自己動手畫啦,經我一番努力後,終於完成啦



真係好有滿足感呀,雖然唔係好靚,但對於我呢個初學者可以畫到閃電圖案,真係勁開心呀!!!

紅色甲油真係超靚,我覺得一D都唔會娘,而且好COLORFUL,配埋金&藍色效果好好呀
而且質地都好好,我番去洗完頭都唔甩色,勁鐘意呀!!!




今次仲識到鼠鼠同CHERRIE,好開心,希望有機會再見呀。

最後多謝大會既禮物 - 玫瑰護甲潤手霜、魔幻美甲修護液 & 水漾薔薇唇膏!!!




由現在至 6月30日, 只要致電預約, 就可到 Anna Sui 專櫃享用兩種美甲服務!
包括免費手部護理及免費美甲彩繪服務!
快D去BOOK啦!!!