先介紹一下L’OCCITANE即將推出的乳木果芬芳果園限量系列，有3種味道，分別係杏桃花、玫瑰果、橙花蜜。
而我今次就試我最鐘意既橙花蜜 - Orange Honey橙花蜜:
在甜橙花綻放的季節，成群的蜜蜂穿梭在果樹間採集花蜜，製作出清新果氛、香甜可口的蜂蜜。
我 相信大家對乳油木果油的保養用途並唔陌生，因為是保養品牌中常運用的經典成份，其功效受到高度肯定。今次L'OCCITANE推出升級版有機新配方及三種 迷你包裝的普羅旺斯果園香味限定版，並榮獲EFT ( Ecocert Fair Trade )歐盟公平交易認證，見證了歐舒丹與西非布吉納法索婦女合作的成就與喜悅！普羅旺斯果園香味限定版同步推出保濕身體霜及植物皂，為寒冬帶來最滋潤的防護與 呵護。
乳油木橙花蜜植物皂
蘊含豐富乳油木精華，有著綿密的泡沫及細緻的香氣，能溫和洗淨肌膚，並維持肌膚的保濕平衡。
白色香皂上刻上L’OCCITANE字樣
我諗我有成10年冇用過香皂，宜家都市人講快，都係用沐浴露，所以用番感覺又幾得意。
第一個感覺係好香呀，成個沖涼室都係橙花蜜的香味，真係好舒服，好RELAX呀。只要輕輕搓揉就會有綿密泡沫，用後肌膚柔嫩舒適不緊蹦，好溫和呀，非常適合冬天乾癢既皮膚，用左幾日之後乾癢既情況都有改善呢。
我覺得唯一既缺點係點解冇野比我裝番個皂既?我有排用GA MA，即係宜家都市人屋企唔會好似以前咁有個香皂盒，我又冇理由放番入個紙袋度架，會濕MA，呢個真係唯一既缺點。
乳油木橙花蜜保濕身體霜
給乾燥肌膚的完全呵護！可深層修護，抵抗環境因子的刺激。柔順的質地，帶給肌膚長效持久的保溼，及柔嫩豐澤的膚觸。
有一層鋁箔紙保護，夠衛生。
質 地有D似奶油，同平時用開既身體霜有D分別，佢比較滋潤同感覺較杰身，流動性不高但推抹好容易，我起初以為好難推，點知又唔係，一推就化開成液態，仲可以 按摩埋，幾好WOR。最驚喜係我第2日起身仲聞到成身有淡淡既橙花蜜香味，嘩...我冇諗過可以維持成晚，真係好厲害。
用後肌膚明顯保濕潤澤，不過就有D油脂性，我覺得佢好有效咁解決因乾燥而產生既粗糙感，明顯回復亮澤，睇相就FEEL到，真係唔錯，我原本DRY到爆，宜家提升左好多。
橙花蜜乳油木果油(有機EFT)
天然成分配方，蘊含高成分的乳油木果油，可深層修護肌膚，防護外在環境的刺激。可塗抹於嘴唇，防止嘴唇乾裂。獨特半月形鋁盒包裝，色彩繽紛，亮眼可愛！
半 月形鐵罐既包裝真係好特別同好可愛，3款之中我最喜歡就係佢啦。橙花蜜的香味，聞起來好舒服，我當佢係唇膏，查上嘴，好滋潤呀，真係即時令雙唇柔軟幼滑， 效果好好，好保濕，而且係有機EFT 商品，大愛。仲有呀，佢既用途廣泛，可以用於臉、唇部、秀髮同身體各部位，細細盒，拎出街都好方便，真係誠意推介。
至於潮用方法，我會提議沖涼之後個身體微濕既時候，係沖涼室仲好多熱氣既時候即刻用保濕身體霜，比肌膚保持係有水份既環境下，可以即時LOCK住水份，等肌膚吸收既效果加強，我試過比起出黎之後先用保濕身體霜好得多。
另外我都會查係指甲邊緣，因為E D位置平時大家都會忽略既，只需要小量既保濕身體霜，真係好小就得，已經即使保濕，連指甲都回復光澤，有相為證，效果好好。
總結，我真係好鐘意L’OCCITANE橙花蜜乳木果油，其實今次係我第一次接觸，但已經有好多驚喜，我最喜歡橙花蜜乳油木果油，用途廣泛又可愛，我真係深深愛上L’OCCITANE呀。
No comments:
Post a Comment