一年四季都要塗防曬!!!

防曬我每日都會用，無論晴天，雨天，去室內，室外，我一d都唔會偷懶，因為我見過上一代女仕滿面雀斑既苦況，所以我寧願唔化妝都要塗防曬。(我家既防曬用得好快=_=")

其實一般ol番工只係25度就已經足夠啦，如果室外既話就要40度 or以上，仲要定時補番先得架。

最近新寵就係CLARINS全新UV PLUS HP清透美白防曬乳SPF 40 PA+++，有兩色可以選擇，肌膚色同自然色。

UV PLUS HP清透美白防曬乳，加入了源自法國普羅旺斯的卡塔路爾有機哈蜜瓜成分，

其果肉富含高濃度的 SOD 抗氧化物，有助肌膚對抗自由基，阻截提早衰老跡象，

配合抗紫外線及抗污染的功能，能保護肌膚免受都市生活的環境侵害。

100%礦物防曬成分，能夠呵護肌膚，連敏感肌膚都適合

價錢 : 30ml $340 / 50ml $450

肌膚色

自然色

我 覺得佢既質地比我平時用開既杰身少少，所以份量都比較用多少少，但係都一樣好易推既，而且有淡淡既bb香味，其實我幾鐘意架，絕對唔係個d難聞既防曬味， 不過如果你唔鐘意既話都冇問題，因為香味係上左面之後好快就冇左啦。我覺得肌膚色個支用完好似令膚色均勻左d，不過要注意份量，如果唔係好易搞到塊面過 白。所以我都係鐘意自然色多d，唔知點解感覺上覺得佢仲好推過肌膚色，好奇怪?!而且塊面仲有d光澤感，好似睇落皮膚好左咁。愛!

用左成日完全無油膩既感覺，好清爽，一d都唔lup，真係出油少左，岩曬夏天用呀，最重要係眼部周圍都用得，唔使分2支防曬，好方便。真係冇諗過CLARINS既防曬咁好用，以後買防曬又多一個選擇啦。