一去到CANMAKE化妝教室，已經有興奮既感覺啦，四周都係粉紅色，好少女既感覺呀，而且放滿曬CANMAKE既產品，真係你講得出既都有呀，好齊全，我好想拎曬佢地番屋企呀!!!
後面就係化妝課室，地方好大，而且好光猛，每個位都有鏡，私家工具，一大堆化妝品，同埋個LOCKER比我地放手袋，真係照顧周到呀，仲有野食TIM，好細心呀，岩曬我地放工趕黎既人呀。
今次既化妝師ELLY WONG，今日主題係日式假眼睫毛，所以底妝就只係好快咁講左個基本。
1)例如上遮瑕既時候記得用第4隻手指上，因為佢係最冇力既，可以做到自然效果之外，又唔會整花你個底妝。而要用遮瑕既地方除左黑眼圈，暗瘡印等之前，仲有係眼角同嘴角，因為用左遮瑕可以提升，感覺上對眼會大左架。
2)另外，上粉既時候ELLE教我地用掃上，最緊要拎左粉之後，要印開佢，令到個掃平均咁上滿粉，效果就會自然得多，而且又唔會整花你個底妝。
好啦，眼妝開始啦，3)先係用SHIMMER上眼，可以突出眼部既輪廓，非常方便，好多就做到亮麗既效果。
4)之後上眼線，我地先拉住眼皮，之後張眼線筆平放，咁樣做會令每次畫既時候比打直畫得多D，咁會快D之外，仲會效果更好，唔會來來回回畫好多次。
5)重點開始啦，先搵一個眼皮中間位，搵到之後當你一夾，整排睫毛都飛出黎，而且會好貼根部，好靚。
6)上睫毛液，記得唔好一次過係咁上，應該一次左眼，一次右眼，咁可以比時間佢乾，唔會好快就跌落黎。
7)今次主角出場啦，張假眼睫毛剪開4份，唔使再剪短啦，因為分開4份可以好貼自己眼形咁黐，會係好靚咁向上，而唔係向前，而且我地仲會每條有少少疊住，咁就會自然得黎又會有放大既效果，但如果好誇張既款式就唔好剪啦。
8) 我想講佢個鉗係勁~好~用，我一直自己用手點黐都係唔夠貼，但用佢既鉗真係可以好貼眼，佢既鉗好好用，隻手按住CANMAKE logo，之後夾住假睫毛中間，再上膠水，膠水好少就已經夠啦，因為佢乾得好快，所以唔好諗住黐好多條呀，會擠係手背，每次都係咁上。鏡都係好重要架，記 得張鏡斜斜地放係下面，佢塊鏡好好架，可以調校到岩自己既位置
9)記得再加強眼尾
10)畫下眼線同係眼頭加D白色會令眼睛睇起更明亮架
11)掃上帶啡既眉 GEL，會令眼睛睇上去更大架，真係唔講唔知呀
12)上胭脂既時候，記得要係蓋到印下，咁會均勻D係個掃到，效果就會自然D，同埋位置係眼角下面，C字位，同眼近D，睇落去會大D
13)上lipgloss會強調係唇中央位，之後向兩邊推
睇過示範之後就自己試下啦
睇下BEFORE同AFTER，對眼大左好多呀
好開心今次識到SIS呀，有BLACK RAINE，GRACE同NANCY
今次既化妝班真係獲益良多呀，好多謝CANMAKE同卡文呀，我覺得CANMAKE既同事都好NICE，會主動過黎幫手，ELLY又會過黎幫你化下，改善下，
勁NICE呀，同埋CANMAKE既鉗係勁~好~用，個尾可以按實D假睫毛，固定位置，設計既好呀，我已經決定左要買啦，勁好用。
冇諗過呢個妝連戴左眼鏡都好睇呀
仲有禮物收TIM。
旺角CANMAKE化妝室每月都會舉辦化妝班，有興趣去睇下呀，只要比$350，就可以啦，仲有得全數換番產品架，好抵呀。
CANMAKE HK Facebook Fanpage：http://www.facebook.com/pages/CANMAKE/215208585371?ref=ts&sk=wall
CANMAKE化妝室：旺角登打士街56號柏裕商業中心1733室
最後，呢遍文真係搞左好耐，希望大家多多支持!!
No comments:
Post a Comment