SOFINA JENNE 工作坊

我想講直到宜家我仍然好興奮，我竟然抽中左SOFINA JENNE 工作坊，係我最愛既品牌之一呀。我係第一次抽中SOFINA既活動呀，真係發夢都冇諗過呀，勁開心。

講番今次個WORKSHOP，去到會先做個SKIN ANALYSIS，睇下你既皮膚，好彩我都合格，有3粒星，不過都仲係唔夠，希望用完之後會有5粒星啦。
之後會去洗面，我覺得佢個milky cleanser好好用呀，一完一D都唔乾，而且有D白左咁，好吸引，睇黎又要買啦。

好啦，活動正式開始啦，首先由關根智子小姐介紹同教授使用jenne 的產品。

佢好NICE ，仲走落台同我地傾計，好互動呀，我鐘意。

有Model同我地示範正確塗既手勢，我覺得安排好好呀，我地係下面可以即刻跟住做，好清淅。
關根智子小姐仲教我地可以自己係屋企測試皮膚夠唔夠水份，就係搽完護膚品之後，張手按係面度，如果有點黏黏既感覺，就即係足夠啦。

之後每人敷一對eye mask，敷左只係10MINS，但對眼既紋明顯淡左，好鐘意，效果好明顯呀。

之後Fran小姐向在場各位詳細介紹SOFINA jenne系列各產品的功效，介紹下SOFINA JENNE係專門針對年輕肌膚而設計既產品。

• ○保濕成分「尤加利精華」
• ○質地輕盈清爽, 絕不油膩
• ○通過過敏性測試
• ○不會導致暗瘡及粉刺
• ○不含酒精

最後係化妝環節，介紹左base，粉餅同遮瑕。

我馬上被粉餅燒到，我一直唔用粉餅係因為我覺得好乾，唔貼面同埋唔自然，但佢個粉餅遮到我D毛孔同埋好自然，我番到去忍唔住再影相，絕對好容易就扮到素顏同埋感覺年輕左，改變左我對粉餅既睇法，睇黎用曬屋企既化妝品，都要入手買啦。

完左個活動之後，我影左佢地個DISPLAY，天呀，好靚呀。

當中我最鐘意既就係聖誕限量版彩妝盒啦，好~靚~呀! 忍唔住影多個近鏡，死啦，又想買啦。

今日拎番去既產品有4個，jenne jelly moisturizer，Lotion同2個防曬，我一定會好好試用再同大家報告架，最後非常多謝BE同SOFINA。